優質幸運車牌中心

2023年中旬，運輸署已作出公佈，並決定在ZZ字頭完結之後，所有新車岀牌時將會重用由ZZ回流運輸署之棄置車牌，並以倒置方式回放如ZZ,ZY,ZX,如此類推，那意味着運輸署配給你的車牌號碼將會很差！

優質幸運車牌中心

創辦人顏文翰先生,從小就有收集的興趣, 學生時代已收集巴士車票,集郵,錢幣也有收集興趣.直至考獲車牌買車代步,覺得自已的車牌號碼不太理想,於是購買了一個古董車牌放於車上,頓時發覺美觀性隨即大大提高.誰知後來愈買愈多,最終導至因沒有太多車輛安置車牌,於是刊登廣告將多餘的車牌於市場上放售,誰知在無心插柳的情況下,入了車牌買賣的行列,再說又已是幾拾年了!

(現今顏文翰先生已成為幸運車牌行業的表表者,更多次接受電視.電台.雜誌.及各大報章訪問對象)

車牌趣味性何在?

首要條件就是你也是唯美派, 喜歡靚的事物! 汽車亦是你的第二老婆,你一定會揀最好的亦同時會將它裝飾得靚靚的, 而車牌就令你的第二老婆更加美麗,更加高貴! 現今車牌號碼已成為送予朋友或愛人禮品的一員，既有紀念價值，放置車上更有掛住你的意思，360想念你，520我愛你，1312一心一意，1314一生一世，盡顯溫馨浪漫！

(名車配靚牌，更彰顯氣派）

如何鑑賞車牌又何等車牌收藏價值最高?

鑑賞車牌就如鑑賞古董一樣, 愈舊價值就愈高,而保值能力也愈強. 所謂千金難買心頭好,有時要擁有一個古董靚牌,隨時要花幾萬元以至過百萬元才可擁有.所以選擇車牌號碼真的要量力而為. 挑選車牌質素則應由英文字母行先k,如 HK, XX, AA, BB, CC, DD,如此類推. 當然上述字母再配以幸運數字, 如168,138, 668..... 就更相得益彰喇!又由於在車牌轉名手續上需要花上過二至三仟元的費用,在購買車牌時我建議盡量選購一些牌價高於萬元以上的車牌,免得於在轉讓時有妹仔大過主人婆也!

對自訂車牌點睇?

政府推行自訂車牌原意係為政府增加收入而設的一個項目,但後來受到社福界及多方人仕有所反應而改變為扶貧着計劃! 其實計劃推行與否本來就不太重要,而最重要就是以近似的項目來增加善款收益未免就形成對沖,此消彼長!而我個人認為今天自訂車牌計劃就將階級界別得更清楚,一些太複雜的字母組合祇會加添警務人員執法上的困難,令意外目擊者未能在電光火石間準確地提供車牌資料而令涉案者逃出法網!就算萬一真係訴諸法庭,因為車牌混亂同時亦製造太多疑點,在基於利益歸於被告之前題下,令違法者未必能繩之於法!

自訂車牌對傳統幸運車牌業界影響有幾大?

傳統車牌早就有歷史價值見證，而且大多以名字行先而數字在後，再加以數字在後面扶助運勢，買牌志在想意頭好,對自己運程有所幫助!所以一般的車主仍樂意購買傳統車牌,生意流失量祇屬輕微,自訂車牌都要由五千元起,再加上仲要再公開競投,如果車牌寫得靚都未必會太平買到!在自訂車牌首場拍賣價錢之高，已經確定對傳統車牌價值絕無影響，還記得當天完了拍賣上半場後，我還立即售岀拾幾個傳統車牌！如日後市面湧現大量自訂車牌,優質傳統車牌的美，就會更顯突出！而且優質傳統車牌成交亦一直保持暢㕵！

2023年的今天,所有幾乎最靚最Q版的自訂車牌已經出得九九十十，最好的自訂車牌幾乎已落入用家手中,優質供應又是買少見少,再加上內地同胞大量移民香港,需求殷切,在可見之將來優質車牌供應可能出現供不應求之局面!供求是做成牌價上升之主因,所以當遇上合適你的車牌,應該盡早購買,而另外導至牌價上升的另一原因,就是車牌每年續期成本增加!

車牌有貶值的時候嗎?

有! (1997年金融風暴.2008年金融海嘯)曾令車牌價值略向下調整!但隨著經濟回復穩定, 牌價也急速回升,經濟因素與牌價起跌息息相關,但同時更發覺車牌的保值能力真不甘示弱!就如股票一樣有升有趺!

(當然你要持有優質大藍籌啦!投資車牌亦同樣要講求質素, 才可發揮其保值能力!)

車牌可當作藝術品欣賞?

傳統車牌也不是衹著重意頭, 如生(3) 發(8)之車牌，亦有追求視覺上之完美，就比如LL字頭又或是配搭7字之尾數, 效果是相當理想, 例子車牌如 "LL77,LL177或LL277由於字型上可以做成左右兩個雙括號, 成交價亦自然相當之高！SS122 靚嗎？傳統車牌之歷史悠久, 還看今天的車牌玩家, 質素不斷提高!

風水大師話,計算過的車牌號碼(即術數)會助你行運?

就其言講!術數如能與個人命格相配合,都有助你運氣轉強,在你感到做事多阻滯或財運不濟時,都不防一試!當今流年正旺98字尾,而98尾數亦為很多車主採用,而有9有8之車牌都好保值!

(之不過咁!香港是個知識型而又勞動性強的社會,每事都必需靠自己踏實又努力才會有所收成!記住呀!錢!係唔會自已游埋來的!)

我的點滴

( BB668 返左唔夠一星期就瞬間賣左,都好唔捨得!而家個極品車牌 BB168 又咁好彩比我買到手,當日真係開心到訓唔著!睇來今次要立定決心好好收藏啦!) 23-01-2006 對唔住!我又衰左喇!各位都知我想講乜啦!!!!

(無字頭牌王 1668 於2007年新春拍賣由本公司買入,最終靚牌一定無我份用!唉!又被富豪級人馬買咗。)

內地同胞狂掃車牌,優質車牌買少見少,無字頭 16 車牌更是2011年新春拍賣焦點!同樣拍賣場必然出席的我,都出到800萬元,但最終以850萬元飲恨,無法啦!富豪級人馬多的是,邊夠人舉!其實自己都明知唔係對手,不過都想盡量試價,唉!盡哂力啦!仲想我點?不過話你知呀!其實無字頭兩個字車牌可以拍賣的僅餘十個,而靚的就祇得兩至三個,咁你就明白點解會拍到咁貴喇!