聯絡人:顏先生 電話:9229 9222 或 聯絡人:林小姐:9555 9555 聯絡時間:上午九時至晚上十一時 辦理手續地點:九龍長沙灣道303號長沙灣政府合署二樓  
   
玩牌心得
全港第一個具備搜尋功能之車牌網站 !
 

 

如何鑑賞車牌又何等車牌收藏價值最高?

   鑑賞車牌就如鑑賞古董一樣, 愈舊價值就愈高,而保值能力也愈強.謂千金難買心頭好,有時要擁有一個古董靚牌,隨時要花幾萬元以至過百萬元才可擁有.所以選擇車牌真的要量力而為. 挑選車牌質素則應由英文字母行先,如 HK, XX, AA, BB, CC, DD,如此類推. 當然上述字母再配以幸運數字, 如168,138, 668..... 就更相得益彰喇!又由於在車牌轉名手續上需要花上過二至三仟元的費用,在購買車牌時我建議盡量選購一些牌價高於萬元以上的車牌,免得於在轉讓時有妹仔大過主人婆也!  

     BB668  返左唔夠一星期就瞬間賣左,都好唔捨得!而家個極品車牌  BB168   又咁好彩比我買到手,當日真係開心到訓唔著!睇來今次要立定決心好好收藏啦!)    23-01-2006 對唔住!我又衰左喇!各位都知我想講乜啦!!!!               

       (無字頭牌王  1668   於2007年新春拍賣由本公司買入,最終靚牌一定無我份用!唉!又被富豪級人馬買驉C)

內地同胞狂掃車牌,優質車牌買少見少,無字頭  16  車牌更是2011年新春拍賣焦點!同樣拍賣場必然出席的我,都出到800萬元,但最終以850萬元飲恨,無法啦!富豪級人馬多的是,邊夠人舉!其實自己都明知唔係對手,不過都想盡量試價,唉!盡哂力啦!仲想我點?不過話你知呀!其實無字頭兩個字車牌可以拍賣的僅餘十個,而靚的就祇得兩至三個,咁你就明白點解會拍到咁貴喇!

車牌有貶值的時候嗎?

   有!  (1997年 金融風暴.2008年金融海嘯)曾令 車牌價值略向下調整!但隨著經濟回復穩定, 牌價也急速回升,經濟因素與牌價起跌息息相關,但同時更發覺車牌的保值能力真不甘示弱!就如股票一樣有升有趺!         

          (當然你要持有優質大藍籌啦!投資車牌亦同樣要講求質素, 才可發揮其保值能力!)

 

對自訂車牌點睇?

    政府推行自訂車牌原意係為政府增加收入而設的一個項目,但後來受到社福界及多方人仕有所反應而改變為扶貧計劃! 其實計劃推行與否本來就不太重要,而最重要就是以近似的項目來增加善款收益未免就形成對沖,此消彼長!而我個人認為今天自訂車牌計劃就將階級界別得更清楚,我會睇!車主如用全名從今就唔使自我介紹!如果係女仕就可能會比人撩,一些太複雜的字母組合祇會加添警務人員執法上的困難,令意外目擊者未能在電光火石間準確地提供車牌資料而令涉案者逃出法網!就算萬一真係訴諸法庭,因為車牌混亂同時亦製造太多疑點,在基於利益歸於被告之前題下,令違法者未必能繩之於法!

    HE1107   HE1 107   HE110   7  在傳統車牌機制下點睇都知道係  (HE  1107)啦!自訂車牌都可以亂配搭,咁簡潔都比人告得入,真係唔抵!  (傳統車牌就算一剎間經過我都會過目不忘),而一D唔知係乜組合的車牌,剎那間經過嘗試記下,最終未能如願!!!!再以自訂車牌推出兩年後所見,一些自訂車牌組合近似傳統車牌 ,睇唔到多加個字會靚左去邊,仲覺得有點劃虎不成反類犬 。由於發現有很多投得自訂車牌在過往幾年都未有套在車輛上使用,而需要我們幫忙續期,大多數原因都因為字毋太多而導至車輛美觀性大減! ( 所以話:字數愈少就愈矜貴,你試下放個兩個定毋,例如:  ( CD ) 車牌落架車度呀! 連帶架車都靚埋,一定會令人刮目相看! ) 傳統車牌(ZZ)字頭估計再過10年就完結,在未有公佈日後傳統車牌新的機制之下,就已經推行自訂車牌,到時字源唔夠用係咪會學祖國係車牌數字前加個(港)字呢?真係要拭目以待啦!

  

 自訂車牌對傳統幸運車牌業界影響有幾大? 

車牌其實越簡單就越值錢,中國人幾時都以自己個名行先,例如(CH志雄)再加上(168一路發)就最好意頭!既然都比傳統車牌早著先機,試問自訂又點會靚得過傳統車牌呀!唔通自訂一個168CH咩?到時如果係街撞見架CH168咪盞你心虧自卑,仲分分鐘比人笑你(A貨),而有錢佬就更加比人笑你豪唔起!基本上無人會將自己個名放在數字尾後,唉!風水大忌!係咪?傳統車牌以數字為先,同時亦祇有數字才可演繹吉利語句,如1668=一路路發,130=一生靚,328=生意發...諸如此類!而且風水學都以數字作為依據。買牌志在想意頭好,對自己運程有所幫助,又要有廣泛之市場認同回收價值,自用投資兩者皆宜!所以一般的車主仍樂意購買傳統車牌,生意流失量祇屬輕微,自訂車牌都要由五千元起,再加上仲要再公開競投,如果車牌寫得靚都未必會太平買到!自訂車牌(  IXI  )我都比到$105000元啦!最終比人出到$110000投得,嘩!個牌真係好靚,但價錢一D都唔平!就睇咁多次拍賣已經知啦!靚的自訂車牌或有商號品牌之自訂車牌都以高價成交,就連本人入貨都有心寒之感覺。 ( 唉!咪又係有錢人的玩意! ) (在此本人奉勸一句有心自訂車牌之人仕,真係要儲足彈藥,免得到時被他人高價奪去所愛,到時就喊都無謂!) 所以業界都認為自訂車牌對傳統車牌生意影響唔大,如果日後市面出現大量自訂車牌,到時就更加突出優質傳統車牌的美!而且近期優質古董車牌成交亦好暢旺w!

2015年的今天,所有幾乎最靚最Q版的自訂車牌已經出得八八九九,要買最好的自訂車牌幾乎已落入用家手中,優質供應又是買少見少,再加上內地同胞大量移民香港,需求殷切,在可見之將來優質車牌供應可能出現供不應求之局面!供求是做成牌價上升之主因,所以當遇上合適你的車牌,在你可接受的情況下盡早購買,因為導至牌價上升的另外一個原因 就是車牌每年續期成本增加!

 

 車牌趣味性何在?

   首要條件就是你也是唯美派, 喜歡靚的事物! 汽車亦是你的第二老婆,你一定會揀最好的亦同時會將它裝飾得靚靚的, 而車牌就令你的第二老婆更加美麗,更加高貴! 留意下有一日街上同款汽車在你左右的感覺呀!他...可能會因為自己架車個車牌唔夠你靚唔爬你頭!原因?唔想比你見到嗎!


本人除了收藏自已姓氏 AN 字頭車牌之外, 同時亦收藏了最具代表性的香港回歸紀念車牌,值得一提的就是(HK1797)了, 其寫法如下: (H.K.1-7-97)這正正代表了香港回歸之日子.
 
而另外 KM1933, KB1933, 大家又會聯想到代表什麼?

   答案就是九龍巴士公司成立之年, 而 KM1933車牌之尾數為 (B), 湊巧成為 KMB1933, 亦已成為我的收藏品了.不妨你又試下找一個能配合你的車牌號碼啦,又或者送一個車牌俾你朋友作為生日禮物, 都好有趣味性!

 

幾千元可買得心水車牌?

   一般有3有8的車牌真的要動輒過萬元才有交易,但選擇一些自己姓氏英文字如:(AU)歐生,(LA1)黎或賴生,(LU1雷生或呂生)(MA姓馬)再其次 (JC) Jacky chan, 佳(KA1) ,基(KE1),戴(TA1)等等再配合自己生日日子又或者結婚紀念日子,甚至乎是對方的生日,都好有意思 ,而且價錢又未必太貴,仲可以日日掛住w!
(但如果你在1月18日或3月28日的話!咁你就要比多D錢買喇!)
而我個客就用左成7萬元投左個LA1888比個老婆用因為個名有個(麗)字(LA1)嗎!

   LV110 =LV日日拎   MB = Mercedes Benz  你睇下! 幾有趣!  ME=我(百搭車牌,係人都!)ME 110 =我 日日靚 !講到最有趣的車牌就以下呢個莫屬喇   MG 666 = ( My God  VS  Devil ) ( 上帝  決戰  魔鬼 )

車牌可當作藝術品欣賞?

    現今之車牌玩家再不是衹著重意頭, 如生(3) 發(8)之車牌了, 反之是追求視覺上之完美就比喻近期之LL字頭又或是配搭7字之尾數, 效果是相當理想, 例子車牌如 "LL177"或"LL277", 由於字型上可以做成左右兩個雙括號, 亦有些玩家將兩個L字倒轉代替7字. 再將1字或8字括住, 又或者LH7, LX7效果如何? 靚嗎? 上述之LL177拍賣價高達港幣$51000元! 但最終數到最靚之L及7配搭之車牌組合, 則作LL77莫屬了, 成交價更高達$295000, 有如此成交價, 亦為意料中事. 車牌之歷史悠久, 還看今天的車牌玩家, 質素不斷提高!

   (  自訂車牌  )    LLL777   三對括號! 靚嗎?  亦已成為本公司又一優質成員!sold

風水大師話,計算過的車牌號碼(即術數)會助你行運?

   就其言講!術數如能與個人命格相配合,都有助你運氣轉強,在你感到做事多阻滯或財運不濟時,都不防一試!當今流年正旺98字尾,而98尾數亦為很多車主採用,而有9有8之車牌都好保值!

(之不過咁!香港是個知識型而又勞動性強的社會,每事都必需靠自己踏實又努力才會有所收成!記住呀!錢!係唔會自已游埋來的!)

 

 
Copyright 1982 - 2008. 優質幸運車牌中心. All Rights Reserved. Designed by Intrasia. 版權所有 不得轉載